Nissan Sentra буын алмастырды

Nissan АҚШ-та Sentra седанының тоғызыншы буынын таныстырды. Төрт есікті көліктің экстерьері ерекше, салоны заманға сай жасалған, бірақ платформасы өзгерген жоқ. Қозғалтқышы жаңармады. Жақында Қытайдағы баламасы дәл осылай әрленеді, ол елде модель Sylphy атауымен сатылады.

1 / 9

Nissan Sentra SR

1 / 9

Седанның радиатор торы, бампері және жарық техникасы басқаша. Торында жақтау жоқ, дегенмен фирмалық V тәрізді пішінін көлденең ламельдері мен жарықдиодты күндізгі жүріс шамынан көруге болады. Дөңгелектерінің диаметрі — 16-18 дюйм. Екі түсті шанақ бояуы бар. Сырт келбеті айтарлықтай өзгергеніне қарамастан, Sentra-ның өлшемдері сол қалпында қалды.

1 / 7

Nissan Sentra SR

1 / 7

Интерьерінде екі 12.3 дюймдік дисплей (базалық нұсқаға 7 дюймдік аспаптар панелі орнатылады) тұр. Ортаңғы панельдегі үш қырлы элементтің екеуі желдеткіш дефлектор, ортаңғысында физикалық батырмалар орналасқан. Дисплейлер мен сенсорлы климат-басқару панелі арзан седандар сегменті үшін эксклюзив саналады. Қымбат түрленімде айнала шолу камералары мен Bose акустикасы болады.

Sentra 151 ат күшіне ие (210 Нм) 2 литрлік атмосфералы мотор және вариатормен жабдықталады, беріліс қорабы қайта бапталып, жаңа спорттық режим алды. Шанақ қатаңдығы 6 % артқан. Жайлы амортизаторлар орнатылған, рөл механизміндегі жақсарған демпфері дірілді басады.

1 / 11

Nissan Sentra SL

1 / 11

Nissan Sentra-ны АҚШ-та жыл аяғында саудалай бастайды. Қытайдағы Sylphy де жаңарады, тек бірнеше ай кешігіп шығады. Модель классикалық мотормен (көлемі 1.6 литр) жабдықталғанмен, біраз уақыт өткен соң заманауи гибрид құрылым алады.

Комментариев: 0