Nissan Қытайда арзан гибрид седан жасады

Компания Dongfeng концернімен бірлесіп N6 индексті седанын ұсынды. Ол N топтамасындағы алғашқы гибрид, себебі бұған дейін онда тек толық электрлі модельдер болған.

Қытай стандарты бойынша орта өлшемді автомобиль 99 900-129 900 юань (7.25-9.4 млн теңге) тұрады, жергілікті басылым N6-ның бағасы, өлшемі мен арзан опциялары жақсы үйлесетінін атап өтті.

1 / 21

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 21

Өлшемдері — 4831×1885×1494 мм, дөңгелек базасы — 2815 мм. Ұзындығы бойынша қазіргі Toyota Camry-ден 85 мм қысқа, ось арасындағы қашықтық 10 мм аз. Сырт келбеті Nissan-ға тән, бірақ Қытайдағы дизайн трендтерін қайталайды. Мысалы, шанақ сызығы бірқалыпты, капотты бойлай орналасқан жарықдиодты жолақ пен логотипі жанатын моношам тұр. Алдыңғы бөлігінде бас жарық техникасы фирмалық V тәрізді пішінін сақтап қалған.

Nissan N6 1.5 литрлік іштен жанатын қозғалтқыш және электрлі мотормен жабдықталады. Бірінші қозғалтқыш 102 ат күшін (135 Нм) береді, екіншісі 211 ат күшін (320 Нм) қосады, онымен седан алғашқы жүздікті 6.8 секундта еңсереді. 21.1 киловаттық аккумулятордың арқасында 180 шақырым жүріп өтеді, батарея қуаты төмен кезде 100 км-ге 2.8 литр тұтынады. Жүріс бөлігінің алдында McPherson тірегі, артқы жағында торсионды арқалық тұр.

1 / 17

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 17

N6 комплектациясына байланысты 14 бағытта электр көмегімен реттелетін 12 нүктелі массаж функциясы бар алдыңғы орындықтар (жады бар), 15.6 дюймдік медиажүйе, алты динамик және Snapdragon 8775 процессорымен жабдықталады, сонымен қатар хош иіс шығаратын климат-бақылау және микрофонсыз караоке функциясын алады. Жүргізуші ассистенттерінің кешеніне камера мен радар жинағы кіреді, ешбір комплектациясында лидар жоқ.

Nissan N6 жаһандық нарыққа арналған, бірақ бірлескен кәсіпорын әзірге седанды тек Оңтүстік-Шығыс Азия, Орта Шығыс елдері және Латын Америкасына жібереді.