Nissan-ды бұл жағдайдан шығару керек болған Honda-мен бірігу жоспары түрлі себепке байланысты жүзеге аспады, жаңа серіктес болады-ау деген компаниялар да теріс айналғандай. Осыған байланысты Moody’s агенттігі Nissan-ның несие рейтингін Ba1 деңгейіне, яғни инвестиция салуға болатын деңгейден төмен статусқа түсірді және компания болашағы бұлыңғыр деген болжам жасады.
Moody’s несие рейтингі жүйесінде көрсеткіш Aaa мен C аралығында болады. Aaa рейтингінде борыштық міндеттемелер төмен болса, C — қаупі жоғары және дефолт жағдайына жақын деп есептеледі. Ba деңгейі қаржылық қауіп бар екенін көрсететін алғашқы белгі.
Соңғысы Nissan-ның құрылымын өзгерту, ескірген модельдерін жаңарту сияқты тәуекелге баруымен және жаһандық сауда саясатынан зардап шегуімен байланысты. Оның үстіне, компания үшін аса ірі нарық саналатын АҚШ-та қазір түрлі көлік те, жеңілдік ұсынатын бренд те тым көп.
Рейтинг жасау барысында мамандар АҚШ билігі қосымша салық енгізуі ықтимал екенін ескерді, бұл Nissan-ның Мексикадағы өндіріс қуатына әсер етуі мүмкін.
Financial Times ақпаратына сәйкес, бренд басшылары Nissan-ның АҚШ-тағы зауыттарына Tesla қызыға ма деген үмітпен альянс құру мүмкіндігін қарастырыпты. Бірақ мұндай мәміленің жүзеге асуы екіталай. Бұл туралы Илон Масктың өзі де, жағдайдан хабардар бірнеше дереккөз де пікір білдірген.
Комментариев: 0