Nissan-ның Мексикадағы зауытын қытайлар алуы мүмкін

Былтыр қарашада Nissan биыл мамырда Мексикадағы Cooperation Manufacturing Plant Aguascalientes (COMPAS) зауытының жұмысын тоқтатуды жоспарлаған. Енді кәсіпорын жабылмайды, тек иесі өзгереді деген ақпарат тарады. Ол Қытай компаниясының қолына өтуі ықтимал, бірақ нақты қай бренд екені белгісіз.

Sina хабарлағандай, жылына 230 мыңдай техника шығаруға қауқарлы COMPAS-қа тоғыз өндірушінің көзі түскен. Қызыққандар қатарында BYD, Chery, Great Wall Motor және Geely бар, кейбір дереккөз SAIC сатып алуы мүмкін дейді.

Қытайлар Мексикада жеке өндіріс орнын ашса, нарықтағы позициясын нығайтады және АҚШ Қытай маркаларына қатысты шектеуді жеңілдетсе, техниканы Оңтүстік Америкаға экспорттау мүмкіндігі артады.

Марка COMPAS-ты 2017 жылы Mercedes-Benz-пен бірге ашқан. Конвейерінен Infiniti QX50 және QX55 кроссоверлері түсті, олар Қазақстанда да сатылады. Неміс бренді Мексикада GLB кроссоверін жасады, ал 2020 жылға дейін мұнда A-Class моделін шығарған.