Nissan-ның алғашқы плагин-гибриді Mitsubishi Outlander-ге негізделеді

Лос-Анджелес автосалоны қарсаңында Nissan Солтүстік Америка нарығына арналған қуатталатын гибрид күштік құрылымы бар алғашқы кроссоверін көрсетті. Ол Rogue Plug-In Hybrid ретінде сатылады, бірақ қарапайым Rogue (X-Trail) моделіне мүлде ұқсамайды. Rogue топтамасына гибрид Mitsubishi Outlander қосылды.

1 / 16

• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 16

Америкадағы Rogue пен жаһандық Outlander техникалық жағынан бірдей болғанмен, Nissan донордың экстерьерін қазіргі Rogue стиліне бейімдемеді. Автомобильдің Nissan брендіне тиесілі екенін жаңа радиатор торы мен айналасындағы хром ендірмелерден ғана ажырата аласыз. Диодтары бар осындай элементті жақында жаңарған Pathfinder алды. Мамандар жаңа өнімге Outlander-дің салонын өзгертпей орнатқан, тек әрлеу материалдары мен рөлдегі логотипті ауыстырған.

Модель Outlander агрегаттарымен жабдықталған. Күштік құрылым 2.4 литрлік атмосфералық қозғалтқыш, екі электромотор (алдында және артында) және 20 киловаттық литий-ионды батареядан тұрады. Жалпы қуаты 248 ат күшіне (450 Нм) жетеді. Машина электр қуатымен 61 шақырым еңсереді, ал EPA циклі бойынша жалпы жүріс қоры — 675 км. Outlander PHEV бұдан мықты, оның моторы 306 ат күшін береді. Жаңа Rogue-тің динамикасы белгісіз, бірақ жүріс электроникасының жеті жұмыс режимі бар.

1 / 11

• 
• 
• 
• 
• 
• 
• 
• 
• 
• 
• 

1 / 11

Nissan Rogue Plug-In Hybrid 20 дюймдік дискілер, үш қатарлы салон, 12.3 дюймдік аспаптар панелі және 9 дюймдік ортаңғы экранмен жабдықталады. Базалық нұсқаға алдыңғы орындықтарды жылытқыш және электр жетегі бар жүксалғыш қақпағы кіреді. Марка қымбат модификацияға панорамалы шатыр, Bose акустикасы, алдыңғы әйнекке түсетін 10 дюймдік проекция, былғарымен қапталған интерьер және рөл мен екінші қатардағы орындықтарды жылытқыш орнатады.

Стандарт Nissan Rogue АҚШ-та кемінде 29 мың доллар (15 млн теңге) тұрады, гибрид одан қымбат болатыны анық.