Nissan Micra-ның ескі концептісі рестомодқа айналды

Жиырма үш жыл бұрын Nissan-ның Ұлыбританиядағы бөлімшесі Murano моторымен жүретін ерекше Micra жасады. Енді олар 350SR концептісін музейден шығарып, бірқатар жаңа бөлшекпен жабдықтады. Бренд үшін 2 және 3 сандарының үйлесімі үлкен мәнге ие, себебі жапон тілінде Ni San деп айтылады.

1 / 9

• 
• 
• 
• 
• 
• 
• 
• 
• 

1 / 9

Компания Micra 350SR-ді ессіз идеяның жемісі санайды. Салмағы бір тоннаға да жетпейтін хетч 3.5 литрлік V6 моторын алған. Мамандар қозғалтқышқа 350Z коллекторларын, Nismo үлестіруші білігін және кастом басқару блогын орнатты. Нәтижесінде қуаты 265 ат күшінен 300 күшке дейін артты.

Концептіні Еуропалық стиль орталығының жас дизайнерлері әрлеген. Олар шанақ түсін өзгертіп, тақырыпқа сай өрнек салды, диодты жарық техникасын орнатты. 18 дюймдік дөңгелектер мен кейбір тіреуіш бөлшектер қара түске боялған. Салонында көпнүктелі белдігі бар спорттық орындықтар мен экраны 9 дюймдік жаңа медиажүйе тұр.

Бренд қуаты артқан шағын көлікті модель жаңаратынын еске салу үшін архивтен шығарған. Жаңа Micra-ның алғашқы суреті де жарияланды. Renault 5 E-Tech платоформасына негізделетін машина электр жетекті кроссовер атанады.