Жапон бренді модельдік топтамасын жаңартуды жоспарлап отыр.
||1470
Авторы: Виктор Сухоруков
Nissan-ның жағдайы жақсы емес. Саудасы төмендеп, қаржылық қиындыққа тап болды. Honda-мен серіктес болу жөніндегі келіссөз де нәтиже бермей, басшылар отставкаға кетті. Бірақ автоөндіруші проблеманы шешудің түрлі жолын іздеп жатыр, соның бірі – модельдік топтаманы жаңарту.
Nissan Leaf
2025 жылдың аяғына дейін бренд Leaf, Micra сияқты жаңа өнімдерін ұсынады. CMF-EV платформасына негізделген жаңа Leaf кроссовер болады. Модель туралы ақпарат аз. АҚШ нарығына арналған нұсқасы панорамалы шатыр, 19 дюймдік дөңгелек дискісі, ұзақ жүріс қоры және NACS қуаттау портымен жабдықталады деген болжам бар. Nissan жыл ортасына қарай толық мәлімет береді.
Nissan Micra
Электрлі Micra-ның сырты пішіні ескі модельдерге ұқсас болуы мүмкін. Жаңа машина Renault 5 E-Tech хэтчбегінің архитектурасына негізделген. Micra-ның техникалық жағына қатысты ақпарат жоқ, бірақ оның сипаттамасы француз электрокарымен шамалас сияқты, ол алдыңғы осьтегі 120 ат күшіне ие электромотормен жүреді. Жүріс қоры — 400 км. Leaf пен Micra Еуропа жолдарына 2025 жылдың аяғында шығады.
1 / 7
АҚШ нарығына арналған Nissan модельдік топтамасының тизері
АҚШ нарығына арналған Infiniti модельдік топтамасының тизері
Оңтүстік Америка елдеріне арналған Nissan модельдері
Оңтүстік Америка елдеріне арналған Infiniti модельдері
Үндістан нарығына арналған жаңа модельдер
Үндістанға арналған минивэннің тизері
Үндістанға арналған кроссовердің тизері
1 / 7
Nissan-ның өзге жаңа өнімдері туралы мәлімет жоқ. Компания автомобиль сұлбасы мен алдағы жоспарлары жазылған фотосуретті ғана жариялады. Автоөндіруші жақында АҚШ-та Sentra седанының жаңа буынын өндіріп, Rogue кроссоверін жаңартады, соңғысы гибрид. АҚШ пен Канадада рестайлингтен өткен Infiniti QX60 пен QX80-нің спорттық нұсқасын таныстырады. Ал келер жылы топтамаға Infiniti QX65 қосылады.
Leaf және Micra-мен бірге Juke кроссоверінің жаңа буыны Еуропаға жол тартады. Соңғысы электрлі болады.
Nissan жаңа модельдерін таныстырып, елдегі автоөндірісті дамытумен қатар, Үндістан, Аустралия, Таяу Шығыс, Африка және Оңтүстік Америкаға назар аударады. Атап айтқанда, Nissan Үндістанға арнап минивэн мен кроссовер дайындады, ал Аустралияда Mitsubishi L200-ге негізінделген пикап жарық көреді.
Комментариев: 0