Nissan Armada мен Patrol-дың Nismo нұсқасы шығады

Nissan Nismo бөлімшесінің екі өнімі — АҚШ нарығына арналған Armada мен Таяу Шығысқа арналған Patrol-дың арнайы нұсқасын таныстырды. Сырттай екі машина өте ұқсас, бірақ Patrol Nismo күштірек қозғалтқышпен ерекшеленеді әрі ертерек саудаға шығады, бағасы қазірше белгісіз. Күштік құрылымынан бөлек автомобильдердің жүріс бөлігі мен дизайны жақсарды.

1 / 17

Nissan Armada

1 / 17

Nismo ұсынған Armada мен Patrol 3.5 литрлік турбоүрлемді мотормен жүреді. Қозғалтқыш қуаты АҚШ нарығында — 460 (плюс 35 а.к.), Таяу Шығыста 495 ат күшіне тең болады. Соңғысы қозғалтқыш үшін рекордтық көрсеткіш саналады. Агрегат 9 сатылы автомат қораппен жұптаса жұмыс істейді.

Жол талғамайтын көліктердің аспасы жаңарған бейімді амортизатор және әдеттегіден 23 % жеңіл 22 дюймдік Rays дөңгелек дискісімен жабдықталған. Шасси мен күштік құрылымдағы өзгеріске байланысты рөл механизмі жаңарды.

1 / 13

Nissan Patrol

1 / 13

Екі автомобиль де аэродинамикасы жақсарған жаңа бодикит алды. Бампер мен артқы диффузор төмен тарту күшін арттырып, мотор, алдыңғы тежеуіш сияқты негізгі компоненттерді салқындатады, тежеуіш дискісінің температурасы 6 % төмендейді. Nismo жол талғамайтын көліктерін радиатор торы және қызыл түсті акценттері арқылы тануға болады.

1 / 9

Nissan Armada

1 / 9

Салонда қызыл-қара түсті спорттық кресло, қызыл қауіпсіздік белдігі және алюминий жапсырма бар.

Nissan Armada Nismo АҚШ нарығына 2026 жылғы модельдік топтың өкілі ретінде шығады. Биыл күзде стандарт жол талғамайтын көлік жаңарады. Patrol Nismo шілдеде Таяу Шығыста саудаға түседі.

Комментариев: 0