Ульяновск автозауыты нейронды желінің мүмкіндігін сынап көрді. Компания «ВКонтакте» парақшасында өзгеше «буханканың» суретін жариялады. Оны жасанды интеллект «Ресейдегі мінсіз жол талғамайтын көлік» сұранысы бойынша жасапты.
Суреттегі автомобиль T сериялы Volkswagen микроавтобусы сияқты ретро стильдегі дөңес алдыңғы әйнек және радиатор торындағы қосалқы дөңгелекпен назар аудартады. Жол талғамайтын көліктің сұлбасынан «буханканы» анық байқауға болады. Компания нейронды желіге «буханка» суретін салуды тапсырды ма, әлде жасанды интеллект өзі осыған тоқтады ма, белгісіз.
Қызғылт сары түсті жол талғамайтын көліктің классикалық үлгіде жасалған дөңгелек шамы бар ерекше оптикасы көз тартады. Шанақтың төменгі бөлігіне компьютер кір немесе тот бейнесін салыпты. Жол талғамайтын қасиетін арттыру мақсатында УАЗ-дың клиренсін биіктетіп, ірі шинамен жабдықтаған екен.
Мұндай эксперимент бұған дейін АҚШ-та жасалды. Қаңтардың ортасында Carscoops журналистері нейрожеліге Ford Mustang кроссоверінің 1970 жылдардағы бейнесін жасауды тапсырған. Электроника тапсырманы өте тамаша орындады.
Комментариев: 0