Нарынқол — Кеген трассасы — өткен ғасырдың ортасында Алматыдан Қытай шекарасына дейін салынған тас жолдың бір бөлігі. Бұл жол жарты ғасырдай жөндеу көрмепті. Жолшылар шұңқырларды тиімсіз технологиямен уақытша жамап қана отырған. Толығымен қайта жаңартуға облыстық бюджеттен қаржы бөлінбеген.
Былтыр жөндеу жұмыстары басталды, бірақ тек Нарынқолдан Текеске дейінгі бөліктің жабыны жаңарды.
«Автожолдың 15 шақырымы жөнделді. Қалған 74 шақырымына бюджеттен қаражат бөлініп, көктемде қолайлы ауа райы орнаған соң, „ҚазАвтоЖол“ кәсіпорны іске кіріседі», — деді Алматы облысы Райымбек ауданының әкімі Берік Дүйсенбаев.
2025 жылдың аяғына дейін шенеуніктер Көкпек — Жалаңаш жолының 21 шақырымы, Көкпек — Кеген — Түп бағытының 35 шақырымы жөнделеді деп уәде берді.
Комментариев: 0