Мототехника нөмірін кішірейту керек пе?

Үндеу авторларының пікірінше Қазақстандағы мотоцикл және басқа қос дөңгелекті көлік құралына арналған 240×202 мм форматындағы мемлекеттік нөмір:

• өте үлкен, мықтап орнату қиын;
• қозғалысқа кедергі келтіреді;
• ыңғайсыз әрі қауіпті.

Бастамашы топ әлемнің көп елінде бар тәжірибеге сүйеніп, тақтайша өлшемін 190 × 145 мм етіп кішірейтуді ұсынды.

2024 жылы e-Petition сайтында осындай петиция жарияланған. Бірақ ол 328 дауыс қана жинады (мәселені мемлекеттік орган қарау үшін петиция кемі 50 000 қол жинауы қажет). Бұл жолы Quryltai қосымшасындағы ұсынысты үш күнде 1200-ден аса адам қолдады.

Мемлекеттік нөмір өлшемі мопедшілер үшін де өте маңызды, олар биыл 5 сәуірден бастап техникасын тіркеуге міндетті.