Жексенбі, 23 маусым күні Алматыдағы «Медеуде» Қазақстан, Қырғызстан, Өзбекстан шеберлерінің қолынан шыққан тюнинг-жобалар көпшілік назарына ұсынылады. Шараға қатысатындар саны екі жүз және онда автокөліктермен қатар мотоциклдер де болады.
Егер сіз соңғы жылдары қазақстандық авто- және тюнинг-шоуларға үнемі қатысып жүрген болсаңыз, сізге таныс BMW мен Mercedes-Benz тізгіндеген жігіттер қайта келеді деп ойлайтын шығарсыз, негізі бұл ойыңыз дұрыс, расымен де таныс адамдар мен темір тұлпарлар болады, десе де ұйымдастырушылар жаңа жобалардың да көптігін және көрші елдерден келетін қатысушылардың арқасында пневматикалық аспасы бар Mercedes-Benz W114, ГАЗ-24 негізінде жасалған лоурайдер, жалпақ Nissan Fairlady Z сынды жаңа жобаларды да көруге болатынын айтады.
Ескі көліктерді де тамашалай аламыз. Бірнеше жыл бұрын көзден ғайып болған Chevrolet Nova естеріңізде ме? Оны да «Медеуден» кездестіруге мүмкіндік бар.
Автокөліктер мен мотоциклдерден бөлек көрермендер ойын-сауық бағдарламасы мен Ghetto Dogs тобының өнерін тамашалай алады. Дәл осы кезде автошоуға қатысушыларды әділ-қазылар бағалап, ең үздік 16 жобаны таңдайды.
Шараның басталуы — 23 маусым күні сағат 13:00-де.
Кіру құны — 2 000 теңге. Билетті онлайн немесе «Медеудің» кассаларынан сатып алуға болады.
Комментариев: 0