«Москвич» стиліндегі спорткар

«Москвич» стиліндегі спорткар

Автомобиль жалпыға ортақ жолда жүруге рұқсат беретін құжат алды.

Ресейде сырт пішіні алғашқы «Москвич» моделін еске салатын MARTT («Москвич-АРТ-лайн Технолоджи») жарыс прототипі жалпыға ортақ жолда жүруге рұқсат алды. Модель көлік құралы құрылымының қауіпсіздігі туралы куәлік алып, тіркелді.

MARTT моделін «АРТ-лайн Технолоджи» фирмасы жасаған, компания спорт саласында жарыс командасы және Формула-3 болидтерімен танымал.

Спорткар в стиле “москвича” построили в России

Жоба он жыл бұрын пайда болған, ол алюминий рамасы мен қауіпсіздік қаңқасы және шағала қанаты сияқты ашылатын есігі бар «Москвич М-400/401» стиліндегі жеңіл шанағымен көз тартады.

Спорткар в стиле “москвича” построили в России

Автомобиль жүргізуші орнының артында орналасқан 1.6 литрлік ВАЗ-21126 моторымен жүреді. Айналу моменті артқы дөңгелектерге 6 сатылы секвентал қорап арқылы беріледі.

Спорткар в стиле “москвича” построили в России
Шанақ панельдері жоқ прототип

Қарапайым МАРТТ штаттық енгізу коллекторы және басқару блогы бар сериялы мотормен жабдықталған. Ал трек нұсқасына арналған күштік құрылым күшейген шатун мен піспек тобы, жақсарған блок басы және турбоүрлеммен ерекшеленеді. Мұндай MARTТ 300 ат күшіне ие болады.

Автомобиль аспасының параметр ауқымы кең әрі екі көлденең иінтіректі схемамен жасалған.

Салонда экраны бар аспаптар панелі, «ЭРА-ГЛОНАСС» терминалы, батырмалар орналасқан рөл, дисплей, беріліс қорабы жапырақшасы және спорттық кресло көзге түседі.

«Арт-Лайн» ретроспорткардың саудасына қатысты ақпарат бермеді.