Курьер на мопеде столкнулся с Toyota RAV4 в Алматы

Мопед мінген курьер Toyota RAV4-ке соғылды

Мопедте отырған жолаушы ауруханада көз жұмды.

Жол апаты 28 наурызда 22:00 шамасында Алматыдағы Абай мен Байтұрсынов қиылысында болды. Алдын ала дерек бойынша азық-түлік жеткізумен айналысатын азамат бағдаршамның қызыл түсіне өтіп кетіп, Байтұрсынов көшесімен солтүстік бағытта қозғалып бара жатқан Toyota RAV4-ке соғылған. Мопед жүргізушісі мен жолаушы ауыр жағдайда ауруханаға жеткізілді. Бүгін жолаушының жан тапсырғаны белгілі болды.

Ескерту: видеода жан түршіктірер көріністер бар!

Жол апатына қатысты Қылмыстық кодекстің 345-бабы, 3-бөлігі бойынша сотқа дейінгі тергеу жұмыстары басталды. Жол ережесін өрескел бұзып, адам өліміне себепкер болған адам бес жылға дейін бас бостандығынан айырылуы мүмкін.

Алматыда қос дөңгелекті көлік тізгіндеген курьерлердің жиі апаттық жағдай туғызатынын айта кеткен жөн. 19 наурызда Төле би көшесінде жеткізуші жаяу жүргінші жолағында бесікарбадағы баланы қақты.

Kolesa.kz біраз уақыт бұрын мопедпен жүруге болатын және болмайтын жерлер туралы жазды.

Комментариев: 0

Чтобы оставить комментарий, вам необходимо зарегистрироваться или авторизоваться.