Росстандарт 2016 жылғы мамыр мен қыркүйек аралығында Калугадағы зауыттан шыққан үшінші буындағы Mitsubishi Outlander кроссоверлеріне қатысты сервистік кампания басталғанын хабарлады.
Бұған 3217 машинаның тұрақ тежеуішінде ақау болуы себеп болды. Бұл қосалқы бөлшектер шығарушының қатесімен байланысты. Деталь коррозиядан дұрыс қорғалмаған, ылғал климатта мұндай қателік ақау тудыратыны анық.
Сервисте көлікті тексеріп, қажет болса тот басқан бөліктер ауыстырылады. Кампанияға қатысатын машиналардың VIN-кодын мына сілтеме арқылы көруге болады.
Айта кетейік, Mitsubishi мұндай сервистік кампанияны алғаш жариялап отырған жоқ. 2018 жылы қазан айында 144 мың көлік кері қайтарылған, оның 93 мыңы Outlander.
Комментариев: 0