Біз жуырда ғана бес жыл ішінде АҚШ көшелерінің 1.6 млн шақырымын артқа тастаған Hyundai Elantra жайлы баяндаған болатынбыз. Енді міне, соған ұқсас тағы бір оқиға болды, бірақ ол көлік мұхиттың арғы жағында емес, көршілес Ресей Федерациясында екен.
Lexus дилерлік орталықтарының біріне одометрінде 999 999 км деген көрсеткіші бар LX470 жол талғамайтын көлігі трейд-инге өткізіліпті. Аталған темір тұлпар оны 2006 жылы сатып алған мәскеулік компанияға тиесілі болған екен. 4.7-литрлік V8-ге ие көлік күніне 200-ден 500 шақырымға дейінгі жолды артқа тастап отырған.
Қызмет көрсету деректеріне сүйенсек, қолданыста болған 12 жыл ішінде регламенттік жұмыстардан бөлек, көліктің радиаторы, генераторы мен желдеткіші ауыстырылыпты. Көлік иесінің айтуынша, 500 мың шақырымды жүріп өткенше автокөлік оны мүлде мазаламапты.
Миллионды еңсерген Lexus үшін оның қожайындары еш артықшылықққа ие болған жоқ: бағаланып, жүріп өткен жолы жазылып, қосымша ақы төленгеннен кейін корпоративтік парк жап-жаңа LX 570 көлігіне ие болды.
LX470 демокар ретінде салонға қойылса ғажап емес, өйткені миллион шақырым өткен көлік сатылады дегенге сену қиын.
Комментариев: 0