Škoda өлмейтін машина аталып кеткен ерекше Octavia жөнінде мәлімет берді. Миллионнан аса шақырымды артқа тастаған машина Исландияда тұр. Иесі онымен жұмысқа да барған, саяхатқа да шыққан, тіпті қой тасыпты.
Йомундур Оласон есімді шопан 2 литрлік бензинді моторы бар көлікті 2003 жылы алған, Бірнеше жыл оны келіншегі жүргізеді, өзі 2007 жылы алғаш рет тізгіндепті.
Оласон көлігімен үй мен ферма арасында қатынап, сапарға аттанған, ел ішінде саяхаттаған. Ең ұзақ сапар мың километрге созылған көрінеді. Йомундур ауа райына қарамай, топырақты жерлермен еркін қозғалыпты, аракідік қой тасыған.
Фермер ескі Škoda-ның күтіміне көп ақша жұмсамағанын атап өтті. Қандай да бір күрделі техникалық ақау шықпаған. Тек жоспарға сай қызмет алып, жағдайын бақылауда ұстапты. «Жүргізу стилінің еш маңызы жоқ, мен қозғалтқыштың қызып кетпеуін қадағаладым,
Соның арқасында Škoda Octavia түпнұсқа қозғалтқышы мен қорабын сақтап қалды. Бірақ фермер достарының сөзіне еріп, жаңа автомобиль алыпты. Ал төзімді машинаны Рейкьявиктегі техникалық мектепке берген, мекеме оны жас механиктерді оқыту үшін пайдаланады.
Комментариев: 0