MG компаниясы SAIC тәжірибесіне сүйеніп, Maxus Terron 9 пикабына негізделген MGU9 моделін шығарды. Жаңа Volkswagen Amarok та осы автомобиль базасында жасалған.
MGU9 өзімен бір платформаны бөлісетін Terron 9 сияқты сатылы раманы пайдаланады, бірақ айырмашылықтары бар. Атап айтқанда, жаңа өнмінің артында дәстүрлі аспа орнына көп иінтіректі тәуелсіз түрі орнатылған. MG мұндай құрылым пикаптың жүрісі мен басқарылуын жеңілдетеді деп санайды.
MGU9-дың өлшемі мен параметрі Terron 9 пикапыбен бірдей: ұзындығы — 5.5 метр, дөңгелек базасы — 3.3 м, жүк тиейтін бөлігінің ұзындығы — 1.7 метр. Онда 770–870 келі жүк сыяды.
Аустралияда модельдің электрлі нұсқасы сатылмайды. Машина тек 2.5 литрлік SAIC турбодизелімен (215 ат күші/520 Нм) жүреді, ол 8 сатылы ZF автомат қорабы және BorgWarner толық жетек жүйесімен жұмыс істейді.
MGU9-дың өзіндік ерекшеліктері бар. Мысал ретінде электр жетекті жүксалғыш есігін, салонның жүк бөлігін ұлғайтуға мүмкіндік беретін жиналмалы артқы бөлігін, авиация стиліндегі беріліс қорап селекторын айтуға болады. Интерьердің өзге бөлігі
Пикаптың ең үздік Explore Pro түрленімі былғарымен қапталған салон, панорамалы шатыр, жылыту, желдету және массаж функциясы бар алдыңғы кресло, сондай-ақ сегіз динамигі бар JBL аудиожүйесімен жабдықталған.
Марка
Комментариев: 0