Метро Алматының барлық ауданын қамтиды

Мегаполис билігі алдағы 15 жылда метроның бірінші желісінің екінші кезегін «Алтын Орда» базарына дейін, екінші желіні Шығыс айналма жол арқылы әуежайға жеткізіп, үшінші желіні Алатау қаласына қарай созбақшы.

Метро Алматы-1 және Алматы-2 темір жол вокзалдарына (схемада қызыл түспен көрсетілген) қосылады. Ең қызығы — әуежайдан басталып, Түрксіб, Алатау және Наурызбай аудандары арқылы өтетін, Жандосов пен Тимирязев көшелерімен Шашкинге дейін, ол жерден төмен қарай Байтұрсынов бойымен Гоголь көшесіне дейін созылып, одан метроның әуежайға баратын жолағымен қиылысатын айналма желі.

Бас жоспар жобасында нақты мерзім жазылмаған, бірақ құжаттың атауына сүйенсек, шенеуніктер жаңа метро желілерін 2040 жылға дейін іске қосуды көздеп отыр.