Тамыздың аяғында Manager Magazin басылымы Mercedes-Benz өз гибридтеріне BMW қозғалтқышын орнатуды жоспарлап отыр, тіпті келіссөз жүріп жатыр деп хабарлаған еді. Бірақ Mercedes техникалық директоры Маркус Шефер бұған ешқандай негіз жоқ екенін айтты.
Бренд өкілі бұл ақпарат шындыққа жанаспайды деді. Маркус Шефердің айтуынша Mercedes-Benz жаңа күштік құрылым топтамасын әзірлеуді аяқтап қалды. Олар модульдік құрылым алады және Fame (Family of Modular Engines) деп аталатын моторлы платформаға негізделеді, бұл 4-8 цилиндрлі агрегат жасауға мүмкіндік береді.
Агрегаттар Еуропадағы қатаң экостандарт күшіне енгеннен кейін де қолдану үшін әзірленіп жатыр. Олар ең алдымен бензоэлектрлі құрылымның бір бөлігі болады. Бірақ марка спорттық сипатқа ие қуатты модельдерге арналған жаңа V8 жасайды екен. Ол қазіргі 4 литрлік блокқа негізделгенмен, толықтай жаңа компоненттер алады. Компания жалпақ иінді білік қолдануы мүмкін.
«Мерседес» V12-ден де бас тартпайды, оны бәсекедегі артықшылық, әрі кейбір модельдің имиджін көрсететін элемент деп санайды. Бұған дейін Маркус Шефер бренд мұндай қозғалтқышты жаңа экологиялық нормаға бейімдеудің жолын тапқанын және олардың өндірісін кем дегенде онжылдықтың аяғына дейін жалғастыратынын растаған. Дегенмен Mercedes-Benz V12 моторы бар машинаны Еуропаға ұсына ма, әлде тек АҚШ пен Қытай сияқты нарыққа шығара ма, әзірге белгісіз.
Комментариев: 0