Mercedes электрлі «гелендвагенді» ресми таныстырды

Бірнеше фото және видео тизерден кейін бренд танымал G-Class-тың электрлі нұсқасын көрсетті.

Модельдің атауы біртүрлі және ұзақ, дәлірек айтсақ G 580 with EQ Technology. Электромобильде 587 ат күшін және 1164 Нм момент беретін төрт қозғалтқыш орнатылған. Мотор 32 минут ішінде 10-нан 80 %-ға дейін қуатталатын 116 кВт/сағ сыйымдылығы бар ірі батареядан қуат алады. Жол талғамайтын көліктің жүріс қоры WLTP циклі бойынша 473 шақырымға жетеді.

1 / 11

Электро-«Гелендваген» представлен официально

G 580 with EQ Technology

1 / 11

Электрлі G 580 қазіргі Mercedes-AMG G63-тен сәл қуаттырақ болып шықты, бірақ автомобиль алғашқы жүздікті 0.4 секундқа баяу алады, ал оның максимал жылдамдығы — 180 км/сағ.

Электромобиль кәдімгі «геликтің» жол талғамайтын мүмкіндіктерін сақтап қалды және кейбір жерлерде одан асып түсті. Клиренсі — 249 мм, кіру, шығу бұрышы және рампа сәйкесінше 32, 30.7 және 20.3 градусқа тең, тереңдігі 851 мм өткелден өте алады, бұл бензинмен жүретін нұсқадан 150 мм артық. G 580 төмен беріліс, дифференциалды бұғаттағыш имитация, мөлдір капот функциясы бар айнала шолу камералар және электрониканың көптеген жолсыз режимі, соның ішінде G-Turn деп аталатын бір орында бұрылу мүмкіндігімен жабдықталады.

1 / 11

G 580 with EQ Technology Edition One

1 / 11

G 580-дің сырт келбеті жанып тұратын жылтыр жалған радиатор торы бар жаңа алдыңғы жағымен, жүксалғыш есігінде тұратын қосалқы дөңгелектің орнындағы қосымша бокспен ерекшеленеді. Mercedes-Benz көліктің дизайнында өзгерістер сәл көбірек екенін түсіндірді, бірақ олар автомобильдің сыртқы пішінін өзгертуге емес, оның аэродинамикасын жақсартуға арналған.

1 / 5

Жаңа өнімнің интерьері дәстүрлі моторы бар нұсқамен бірдей. Алдыңғы панельде 12.3 дюймдік дисплейлер бар, бірақ графикасы сәл өзгеше және түймелер блогына электрлі көлікке тән жаңа түймелер қосылды.

Бағасына келетін болсақ, Еуропада Mercedes-Benz G 580 with EQ Technology-дің стандарт нұсқасы 142.6 мың еуро немесе Edition One шектеулі сериясы 192.5 мың еуро тұрады, ол ерекше декормен, нұсқаның атауы бар тақтайшалармен, қарапайым G 580 үшін ақылы опция ретінде жүретін стандарт жабдықтардың кеңейген тізімімен ерекшеленеді.

Комментариев: 0