Mercedes-Benz жаңа батареялы вэнінің алғашқы суретін көрсетті

Mercedes-Benz Испанияның Виториядағы зауытында VLE вэнінің серия алды прототипін құрастыра бастағанын хабарлады. Компания вэннің ресми суретін жариялап, жаңа электрокарды камуфляжсыз көрсетті. Фургон мен вэн топтамасының тұңғышы нарыққа 2026 жылы шығады.

Тизердегі модель қысқа капотымен және ерекше артқы тірегімен көктемде Шанхай автосалонында жарық көрген Vision V концептісіне ұқсайды. Бірақ сериялық VLE брендтің басқа батареялы көліктеріне тән стильде жасалған өзгеше жарық техникасымен және радиатор торымен ерекшеленеді. Ірі панелі контурлы жарықпен және Mercedes-Benz GLC-дегідей бірнеше көлденең ламельмен әрленген.

VLE жаңа Van.EA платформасына негізделген. Автомобиль бір және екі күштік құрылым, бұрылатын артқы дөңгелектермен жабдықталады, салоны төрт не сегіз орынды болады. Бұған дейін компания VLE жайлы жолаушы көлігі, бизнес-шаттл сияқты түрлі модификациядан тұратын жеке топтамаға айналады деп мәлімдеген.

Бренд клиенттеріне қазіргі V-class пен Vito-ның батареялы баламасын ұсынбақшы. Кейін сәнді VLS шығады. Бастапқыда Mercedes-Benz жаңа буындағы минивэндерді тек электрлі қылмақ болған, кейін ойынан қайтып, сұйық отын тұтынатын Van.CA платформасын жасайтынын мәлімдеді. Мұндай автомобильдер гибрид қондырғы алуы ықтимал.

Жаңа Mercedes-Benz VLE-дің тұсаукесері 2026 жылдың бірінші жартысында өтеді.