Mercedes-Benz-тің бас дизайнері орнын босатты

Компания Горден Вагенер 2026 жылдың 31 қаңтарынан бастап қызметтен кететінін хабарлады. Баспасөз релизінде бас дизайнер өз қалауымен кеткісі келді және екі тарап өзара келісті деп жазылған. Концерн басшысы Ола Каллениус оған қажырлы еңбегі үшін алғыс білдірді.

Горден Вагенер компанияда отыз жыл жұмыс істеді. 1999 жылдан бастап R-, M- және GL-класты модельдердіңсыртқы және ішкі дизайнына жауапты болды, 2002 жылы A-, B-, C-, E-, CLK- және CLS-класпен жұмыс істеді. Ол жетекшілік еткен модельдер өте көп, тізімге W222, SLR McLaren, соңғы «гелендвагендер» мен EQ топтамасы кіреді.

2016 жылы Вагенер Daimler AG концернінің бас дизайнері болып тағайындалып, директорлар кеңесінің құрамына енді. Ол автомобильден бөлек, Mercedes-Benz Style бөлімшесінде сәнді яхта, вертолет және люкс интерьер жасауға атсалысты.

Өкінішке қарай электрлі «мерседестердің» сәтсіздікке ұшырауы танымал дизайнердің беделіне нұқсан келтірді. Жұрт EQS және EQE седандарын пішіні мен дәстүрлі сән-салтанатқа теріс әсер ететін технологиялары үшін сынға алды, бірақ сауданың төмендеуіне жоғары баға ықпал етті.

Тәжірибелі дизайнер кез келген басқа автоөндіруші үшін құнды маман екені анық.