Mercedes-Benz T-Class-ты ресми таныстырды

Марканың модельдік топтамасына T-Class қосылды. Машина 26 сәуірде таныстырылды. Жолаушыларға арналған көліктің индексі жаңа болғанымен, өзі әдеттегі Citan-ның премиум нұсқасы саналады. Ал сол «Цитанның» өзі үшінші буындағы Renault Kangoo-дың өзгертілген нұсқасы екені белгілі.

T-Class пен Citan сырттай радиатор торы, өзгеше артқы көрініс айнасы, жүк салғыш қақпағы мен дөңгелек дискісіндегі басқаша декормен ерекшеленеді.

1 / 11

• 
• 
• 
• 
• 
• 
• 
• 
• 
• 
• 

1 / 11

Citan Tourer мен T-Class-тың салонында аса үлкен айырмашылық жоқ деуге болады. Алдыңғы панельде MBUX мультимедиа кешенінің 7 дюймдік экраны орналасқан, аспаптар панелінде 5.5 дюймдік дисплей тұр. Бар айырмашылықты материал мене кейбір опциядан көруге болады. T-Class-тың қымбатырақ нұсқасында орындық Neotex матасымен қапталған. Ал жабдықтар тізіміне электр жетегі бар сырғымалы есіктер енеді.

1 / 12

• 
• 
• 
• 
• 
• 
• 
• 
• 
• 
• 
• 

1 / 12

Көліктің күштік құрылымы екі түрлі. Бензинді нұсқасы 102 және 131 ат күшіне ие 1.3 литрлік турбомотормен (M282) ұсынылады, ал дизельді агрегат (1.5-литрлік OM607) 95 немесе 116 ат күшін береді. Қарапайым машина механикамен, ал қымбаты 7 сатылы роботпен жұмыс істейді. Автокөлік алдыңғы жетекті болады.

Германияда T-Class-тың бағасы 30 мың еуродан басталады.