Mercedes-Benz батареясы 1200 км жүруге мүмкіндік береді

Mercedes-Benz қатты күйдегі литий-металл батареяның прототипін жолда сәтті сынақтан өткізді. Еуропада мұндай аккумуляторы бар EQS модельдерінің жүріс қоры 1205 шақырымға жетеді.

Сынаққа қатысқан EQS әдейі әртүрлі жолмен жүріп өтті. Мамандар бағытты жоспарлағанда ауа райы мен жер бедері (өрге шығу, төменге түсу) өзгерісін назарда ұстаған. Тест кезінде электрокар үш ел аумағын басып өтті. Сапар Германияның Штутгарт қаласынан басталып, Данияны кесіп өтіп, Швецияның Мальмё қаласында аяқталды.

1 / 6

• 
• 
• 
• 
• 
• 

1 / 6

Компания машина мәреге жеткенде аккумулятор тағы 137 км қозғалуға болатын электр қорын сақтап қалғанын хабарлады. Прототип еңсерген қашықтық 2022 жылы Vision EQXX концептісінің нәтижесінен 3 шақырым ұзақ болды. Ол Штутгарттан Ұлыбританиядағы Сильверстоунға дейінгі 1202 шақырым жүрді.

Mercedes-Benz батареяны Американың Factorial Energy компаниясы және AMG-дің агрегаттарды сынақтан өткізетін орталықтың инженерлері, марканың формула-1 командасының техникалық мамандарымен бірге тексерді. Қазір аккумулятордың ұзақ уақыт тұрақты жұмыс істеуіне мүмкіндік бар, оның үстіне батареяның сыйымдылығы 25 % артты.