Mercedes-Benz 280SE қымбат рестомодқа айналды

Солтүстік Каролинада орналасқан Retro Designs ательесі 1960 жылдары шыққан классикалық 280 SE (W111) моделіне негізделген жобасын көрсетті.

1 / 18

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 18

Автомобильдің сырт пішіні стандарт 280 SE-ден өзгеше емес. Басты айырмашылық — жасыл түсі мен ұзақ атауы (Axalta Chromax XP Irish Green). Көлік классикалық стильге ұсайтын, бірақ диаметрі біршама үлкен арнайы жасалған дөңгелек дискісімен де ерекшеленеді. Мұндай комплект 20 мың доллар тұрады.

1 / 17

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 17

Шеберлер көліктің ішін барынша түпнұсқа күйінде сақтаған, бірақ өзгерістер бар. Ателье батырмаларды жаңасына ауыстырып, Dakota компаниясының жаңа аспаптар панелін орнатқан. Ортаңғы консольді жарып, стақанқойғыш жасапты. Алдыңғы панельде заманауи JL Audio медиажүйесі тұр. Сондай-ақ Vintage Air климат жүйесін орнатып, салонын қымбат былғары немесе алькантарамен қаптаған.

1 / 7

• 
• 
• 
• 
• 
• 
• 

1 / 7

Басты өзгеріс машинаның техникалық бөлігінде жатыр. Рестомод C55 AMG седанынан алған 367 ат күшіне ие (510 Нм) 5.4 литрлік V8-бен жүреді. Қозғалтқыш автомат қораппен жұмыс істейді. Жаңа моторды орнату үшін инженерлер арнайы электр сымы, отын багы, радиатор және газ шығару жүйесін дайындапты. Қуат артқандықтан шассиді жаңартуға тура келді, сол үшін жаңа аспа мен ірі Brembo тежеуішін қойған.

Retro Designs бұл жобаны 500 мың долларға (246.5 млн теңге) бағалап отыр.