Mazda 15 жыл бұрын жарық көрген көліктерін жаппай қайтару жөнінде шешім қабылдады. Сервистік кампания 2003-2006 жылдары шыққан 260 мыңға жуық Mazda3-ті қамтиды.
Шараның себебі де қызық. Қауіпсіздік жастығы іске қосылғанда жүргізушілердің жарақат алатыны белгілі болған. Оқыс жағдай болғанда рөлдегі пластик эмблеманың сынықтары жүргізушінің бетіне шашырайды.
Бұл ақпарат алғаш 2015 жылы хабарланды. Компания тергеу жұмыстарын бастап, мәселе эмблеманың химиялық құрамында екенін анықтады. Айта кетерлігі, қауіп барын 2006 жылы білген жеткізуші оларды үнсіз өзгерте бастапты.
Содан кейінгі жылдары жүргізушілер ондай жарақат алмаған, бірақ 2018 жылы бірден бірнеше жағдай тіркелді. Қазір мұндай жарақат алғандардың саны 10-нан асты.
Кері қайтару кампаниясы 2021 жылы тамыздың аяғында басталады. Тізімге енген машиналардағы рөлдің ортаңғы бөлігі ауыстырылады.
Комментариев: 0