Алматы автоспорт федерациясының тұңғыш президенті Николай Масловты еске алуға арналған жол талғамайтын көліктер жарысы әр жылы қыста көл жағасында өтетін. Бірақ 2020 жылы коронавирусқа байланысты өтпей қалды. Ал былтыр шабандоздар Алматы облысы Іле ауданының Комсомол ауылы маңындағы MobilEx СТК аумағында жарысты.
Биыл 16 желтоқсанда off-road-бәйге Сайранға қайта оралады. Дәл сол күні жарыстың негізі қаланғанына 25 жыл толады. Оған Қазақстан, Қырғызстан және Өзбекстаннан келген командалар қатысады. Жол талғамайтын көлік жүргізушілері «Туризм», «Спорт» және «Абсолют» санаты бойынша сынға түседі.
Ал квадроцикл мінген жас шабандоздар «Бала» (9 жасқа дейін), «Жасөспірім» (13 жасқа дейін), «Жасөспірім+» (13 жасқа дейін, қозғалтқышы үлкен ATV) және «Экстрим» (17 жасқа дейін) санатында бақ сынайды.
Жарыс сағат 10:00-де басталады.
Комментариев: 0