Mansory ұсынған жаңа G-Class

Mansory мамандары Mercedes-Benz G-Class-ты жақсартуға қайта кірісті. Бұл жолы тюнерлер жалпақ карбон бастырығы бар қарапайым бес есікті «гелик» емес, бес орынды интерьері сақталған, бірақ екі есікті кастом нұсқасын ұсынды. Есіктері Rolls-Royce көліктеріндегідей кері ашылады. Бұл ательенің алғашқы осындай жобасы емес, ол 2023 жылы жарық көрген Gronos Coupe Evo C топтамасының жаңа өкілі. Мұндай экземплярдың сегіз данасы ғана шығады.

1 / 7

• 
• 
• 
• 
• 
• 
• 

1 / 7

Мамандар қара және қола түстес реңктермен үйлескен жаңа Gronos Coupe Evo C-дің шанағын карбоннан жасалған бастырықпен әрлеген. G-Class фирмалық 24 дюймдік FD.15 дискілерімен жабдықталып, салоны ақ былғарымен қапталған.

1 / 4

• 
• 
• 
• 

1 / 4

Жол талғамайтын көліктің күштік құрылымы да назардан тыс қалмады. Бұл автомобиль 2023 жылғы түпнұсқа купеден қуаттырақ. Моторы 980 ат күші мен 1250 Нм момент береді. «Гелик» алғашқы жүздікті 3.3 секундта еңсереді. Құны белгісіз.