Mansory ательесі мен спорттық киім бренді ерекше Ford GT құрастырды

Ателье Le Mansory деп аталатын суперкарын таныстырды. Компания автомобильді Under Armor-мен бірге жасаған. Машина жарнамамен байланысты іс-шараларға қатысады. Екі компания бірлесіп киім-кешек шығаруды жоспарлап отыр. Жобаға төрт дүркін NBA чемпионы Стефен Карри де қатысады. Оның Under Armor брендімен бірге әзірлеген жеке аяқкиім топтамасы бар.

1 / 9

• 
• 
• 
• 
• 
• 
• 
• 
• 

1 / 9

Le Mansory соңғы буындағы стандарт Ford GT-ден ательеге тән сырт пішінімен ерекшеленеді, яғни машина аэродинамикалық жапсырмалар, ауа өткізгіштер және көмірпластик элементтерге толы. Суперкар 21 дюймдік дискілермен және ірі антиқанатпен жабдықталып, арнайы жарық техникасын алды. Интерьерінің түсі шанақпен бірдей.

Турбиналы 3.5 литрлік V6 қозғалтқышы бастапқыда 656 ат күшін беретін. Арнайы басқару блогының арқасында қуаты 710 ат күшіне (840 Нм) жетті. Максимал жылдамдығы — 354 км/сағ.

1 / 9

• 
• 
• 
• 
• 
• 
• 
• 
• 

1 / 9

Mansory мен Under Armor киім-кешек топтамасын биыл жазда шығармақшы. Сәуірде суперкар түстес спорттық аяқкиім жарық көреді.

Ателье Le Mansory жобасын алғаш рет 2020 жылы таныстырды, сол кезде тюнерлер бар болғаны үш көлік жасайтынын айтқан. Дегенмен қазіргі модель төртінші болады. Екі компания арасындағы ынтымақтастық аяқталғаннан кейін машина саудаға шыға ма, әзірге белгісіз.