Mansory әрлеген Rolls-Royce Cullinan

Mansory ательесі түрлі автомобиль мен техникаға негізделген үздік жобаларымен танымал. Тюнерлердің жаңа жұмысы да сәтті шықты.

1 / 12

• 
• 
• 
• 
• 
• 
• 
• 
• 
• 
• 
• 

1 / 12

Жаңа жоба — ерекше бастырығы бар Rolls-Royce Cullinan. Ол алдыңғы жағының дизайны, 24 дюймдік дөңгелек дискісі және шанақ бояуындағы қола түсті қосымшамен назар аудартады. Мұндай Cullinan-ның бір экземпляры ғана бар, ол Linea D’Arabo деп аталады.

1 / 9

• 
• 
• 
• 
• 
• 
• 
• 
• 

1 / 9

Тюнерлер машина салонын сырт пішіні сияқты әрлеген. Алдыңғы панель, рөл, есік карты, кресло, тіпті төбесінде өрнектер бар. Интерьерін қымбат былғарымен қаптады, ателье логотипі бірнеше жерде орналасқан.

Linea D’Arabo-ның күштік құрылымы да өзгерді. Стандарт кроссовер 571 ат күшіне ие (850 Нм) 6.75 литрлік турбоүрлемді V12 мотормен жүреді. Ал Mansory нұсқасы 720 ат күші мен 1050 Нм береді. Машина алғашқы жүздікті 4.8 секундта еңсереді, ең жоғары жылдамдығы сағатына 250 км-ден аспайды.

Ателье Linea D’Arabo қанша тұратынын айтқан жоқ.