Облыстық полиция департаменті тас жолдағы тәртіпті пилотсыз аппаратпен қадағалау басталғанын хабарлады.
«Ұшатын аппарат жылдамдық асыру, қарсы жолаққа шығу, басып озу ережесін бұзу және басқа қауіпті маневрлерді тіркейді. Бұл жол қауіпсіздігін жақсартып, ережені елемейтіндірге қарсы жедел әрекет етеді және жол апатының алдын алуға мүмкіндік береді», — дейді полицейлер.
Маңғыстау полициясы 2018 жылы да дрон көмегіне жүгінген. Ол кезде екі пилотсыз аппарат әуеде кезекшілік атқарып, радиусы 50 км аумақты бақылады. Олар он күнде 200 ереже бұзу әрекетін анықтаған. Бірақ содан кейін облыс жұрты дрон жайлы ештеңе естіген жоқ.
Бұған дейін тағы бірнеше өңірдің полицейлері дрон қолданып жатқанын хабарлаған. Мысалы, былтыр Алматы облысында, 2022 жылы Түркістанда пилотсыз аппараттар жұмысқа кірісті. Бірақ олар біраз уақыт айыппұл жазып, кейін жоқ болып кетті.
Комментариев: 0