Бұл жөнінде ЛиАЗ-5256 мен ЛиАЗ-5293-тің биылғы тізімнен жоғалғанын байқаған Drom.ru порталы жазды. Басылым сауалына жауап ретінде мекеменің баспасөз қызметі қос модельдің конвейерден алынғанын хабарлады. Автобустың едені тым биік болғандықтан, қозғалуы қиын және қарт жолаушылардың мініп-түсуіне ыңғайсыз екен. Сол себепті компания олардың орнына едені төмен, әрі сыйымдылығы жоғары заманауи ЛиАЗ-5292-ні шығару жөнінде шешім қабылдады.
Қос көліктің тарих қойнауына кететіні анық еді, себебі соңғы кездері тасымалдаушылар оны сатып алудан бас тартқан. Келісімшарт күшін жойса да, он жыл бойы зауыт қолданыстағы ЛиАЗ-5256/5293 үшін қосалқы бөлшектер жеткізетін болады.
Львов қаласындағы автобус жасау институтының мамандары әзірлеген ЛиАЗ-5256 кезінде 677-модельдің орнын басқан. Әр жылдары көлікке КАМАЗ, ЯМЗ, Caterpillar және Cummins моторлары орнатылды. 35 жыл ішінде 25 мыңнан аса машина жарық көрген. Олардың біраз бөлігі біздің елге де жеткізілді. ЛиАЗ-5293 Алматы көшелерінде жүйткіп жүр.
Комментариев: 0