Li Auto Германияда инженерлік орталық ашады

LiXiang (Li Auto) жаңа ғылыми-зерттеу орталығын ашты. Орталық Мюнхенде орналасқан, ол марканың үшінші, ал Еуропадағы алғашқы бөлімшесі болады. Соған қарағанда LiXiang экспортқа шығуға дайындалып жатқан сияқты.

Жаңа инженерлік орталықтың негізгі міндеті — Еуропа нарығын зерттей отырып, соған сай жаңа модель жасау мүмкіндігін қарастыру. Олар ЕО-да автомобильге қойылатын техникалық талаптарды және жергілікті клиенттердің қалауы мен талғамын зерттейді.

Неміс инженерлері Бейжің мен Шанхайдағы әріптестеріне озық интеллектуалды салаларда жаңа технология жобалауға көмектеседі. Фирма күштік құрылым, электронды көмекшілер және дизайн бағыты бойынша бірлесе жұмыс істейді. Сондай-ақ Li Auto бейімді аспа және «сым арқылы» басқаруды зерттеуді жоспарлап отыр.

Li Auto жаңа технологияға салған инвестициясының жартысына жуығын жаңа автомобиль жасау процесінде жасанды интеллект қолдану мүмкіндігін зерттеуге жұмсайды.

Қазір компанияның Nio немесе Zeekr-ден айырмашылығы сыртқы нарықта аса танымал емес, бірақ енді сол олқылықтың орнын толтыруға дайындалып жатыр. LiXiang-ның Қытайдағы саудасы жаман емес, 2024 жылы жарты миллионнан аса автомобиль сатты.