Li Auto бренді i8 кроссоверін таныстырды

Lixiang компаниясы өз отанында i8 батареялы кроссоверін көрсетті. Li Auto-ның басқа модельдері сияқты ол да үш комплектацияда, бірақ бір күштік қүрылыммен және екі түрлі батареямен сатылады. Біраз уақыт бұрын базалық көліктің бағасы 350 мың юаньнан (26.5 млн теңге) басталады деп болжанған, дегенмен 321 800 юань (24.3 млн теңге) тұратыны анықталды. Марка электрокарды 20 тамыздан бастап жеткізеді.

Li Auto i8-дің экстерьері фирманың алғашқы электромобилі Mega стилінде жасалған. Айрықша дизайн жақсы кедергі коэффициентіне (0.218) қол жеткізуге мүмкіндік берді. Жаңа өнімнің өлшемдері — 5085×1960×1740 мм, дөңгелек базасы — 3050 мм. Lixiang өкілдері салонының кеңдігі жағынан ол Mercedes-Benz GLS пен BMW X7-ден асып түседі деді.

1 / 10

• 
• 
• 
• 
• 
• 
• 
• 
• 
• 

1 / 10

Машинаның аспасы толығымен тәуелсіз, алюминий иінтірегі мен пневмоэлементтері бар. Стандарт жол саңылауы — 195 мм, бірақ 65 мм шамасында реттеледі.

Кроссовердің қарапайым түрленімі жалпы қуаты 544 ат күшіне тең (660 Нм) екі электромотор және 90.1 киловаттық батарея көмегімен қозғалады. Жүріс қоры — 670 шақырым, алғашқы жүздікті 5.4 секундта алады, жылдамдығы сағатына 180 км-ден аспайды. Қымбатырақ екі модификация дәл сол қозғалтқышты сақтағанмен аккумулятор көлемі 97.8 кВт⋅сағ шамасында. Сондықтан 720 шақырымды еркін еңсереді. 800 вольттық архитектура небәрі 10 минутта 500 км-ге жететін энергия жинауға жағдай жасайды.

1 / 8

• 
• 
• 
• 
• 
• 
• 
• 

1 / 8

Li Auto i8 алты орынды. Компания шуоқшаулау деңгейін, электр көмегімен реттелетін, желдеткіші мен массаж функциясы бар аса жайлы креслоларын ерекше атап өтті, екінші қатардағы орындықтары барынша бапталады, одан бөлек жазылатын диван, үстелше қойыпты. Артқы жолаушыларға арнап бөлек экран орнатқан, 15.7 дюймдік тағы екі тачскрин алдыңғы бөлікте тұрады. Жабдықтар тізіміне тоңазытқыш, панорамалы шатыр және қосымша жарық бергіштер енген.

Болашағы зор модельдер арасында Li Auto i8-дің негізгі бәсекелесі Onvo L90 саналады. Бұл машина біршама ірі болса да, жұрт оны алдын ала тапсырыс беру арқылы 279 900 юаньға алып жатыр.