Lexus пен JAOS ерекше GX құрастырды

Токиодағы автосалон үшін Lexus компаниясы JAOS ательесімен бірлесіп GX-тің елден ерек нұсқасын дайындады. Overtrail Project жобасы жолсыз жерде жүру мүмкіндігі ұлғайған Overtrail атты GX-тің сериялы модификациясына негізделген. Концепт қазіргі GX асфальттан тыс жорықтарға бұрынғыдан әлдеқайда жақын екенін еске салады.

1 / 12

• 
• 
• 
• 
• 
• 
• 
• 
• 
• 
• 
• 

1 / 12

JAOS бренд үшін жаңа алдыңғы бампер жасады. Ол қуатты көрінеді, бірақ жеңіл, аса берік пластиктен жасалған және қосымша жарықдиодты ендірмелермен жабдықталған. Астында 4 мм алюминийден жасалған қорғаныш пластина тұр, құбыр тәрізді табалдырық қорғаныс пен басқыш рөлін атқарады. Сонымен қатар машинаға орнатылған арка кеңейткіш, алюминий қаптамасы бар шашыраудан қорғағыш көлікті жол жоқ жерде жүргізгенде зақымдалудан қорғайды.

Lexus GX-тің жүріс бөлігін Kayaba-ның жаңа Harmofleq серіппесі мен амортизаторы арқылы жақсартты. JAOS-тың 18 дюймдік дискісі мен Toyo Open Country A/T шинасы орнатылған. Осының бәрі клиренсті ұлғайтты, бірақ нақты өлшемдері айтылмады. Overtrail Project-тің шытырман оқиғаға дайын екенін айрықша рейлингтерде тұрған экспедициялық жүксалғыш көмегімен айқындады.

1 / 11

• 
• 
• 
• 
• 
• 
• 
• 
• 
• 
• 

1 / 11

Негіз ретінде 10 сатылы автомат қорабымен үйлесетін 354 ат күшіне ие 3.4 литрлік V6 моторы бар толық жетекті Lexus GX 550-ді алды. Зауыттан шыққан Overtrail нұсқасында белсенді көлденең орнықтылық стабилизаторы және жолсыз жерге арналған жүргізуші көмекшілерінің ауқымды жинағы болады.

Lexus GX Overtrail Project JAOS серияға шықпайды. Дегенмен танымал тюнинг-ателье жаңа GX-ті жақсартқысы келетіндер үшін арнайы пакет ұсынуы әбден мүмкін.