Land Rover Defender-ді жаңа Octa стилінде әрлейді

Land Rover 2012-2016 жылдары шыққан классикалық Defender-ді түрлендіру бағдарламасын ұсынды. Марка оны бір жыл бұрын Defender топтамасына қосылған қуатты Octa түрленіміне ұқсас етіп жақсартады. Жол талғамайтын көліктің шассиі өзгеріп, автомат қораппен жұмыс істейтін қуатты V8 мотормен жабдықталады. Жаңа өнім Octa-дан қымбат болады.

1 / 9

• 
• 
• 
• 
• 
• 
• 
• 
• 

1 / 9

Octa Inspiration жобасының сырт пішініндегі басты жаңалық — классикалық машина Defender Octa-ның түсіне сай боялады. Стандарт радиатор торының орнын ауатартқышы бар жаңа, заманауи панель басады, дөңгелек дискісі дизайнының бес нұсқасы болады, өлшемі — 16-18 дюйм. Капоттағы өрнек карбоннан жасалады.

1 / 4

• 
• 
• 
• 

1 / 4

Интерьерде жаңа әрлеу материалы (қымбат былғарыны қоса алғанда), Recaro креслосы және жаңа медиажүйе көзге түседі.

Мұндай Defender 405 ат күшіне ие 5 литрлік V8 моторымен жүреді, ол 8 сатылы ZF автомат қорабымен жұмыс істейді. Машина шассиі жаңа амортизатор, серіппе, төрт поршеньді суппорт және алдында 335 мм, артында 300 мм дискісі бар тежеуішпен толыққан. Мамандар әр донор автомобильді түрлендіру алдында мұқият жөндейді.

1 / 12

• 
• 
• 
• 
• 
• 
• 
• 
• 
• 
• 
• 

1 / 12

Классикалық Defender Octa Inspiration-ның құны салықты есептемегенде 190 000 фунт стерлингтен (132.3 млн теңге) басталады. Ал жаңа бес есікті Defender Octa Ұлыбританияда кем дегенде 148 000 фунт стерлинг (103 млн теңге) тұрады.