G-klasse, Defender, Cherokee, Bronco сияқты модельдердің кейпіне еніп, сан құбылған кішкентай Jimny аты шулы автоспорт өкіліне де жетті. Damd ательесі үш есікті шағын көлікті Lancia Delta Integrale купесіне ұқсататын шанақ бастырығын ұсынды. Бұл алғашқы тәжірибе емес, бірақ осы жолғы машина өте сұсты көрінеді.
Жиынтыққа қосарлы домалақ фар мен Little D жинағындағы радиатор қаптамасы және қорғанышы бар жаңа бампер кіреді. Жарық техникасы бампердің ойық жеріндегі тұманға қарсы шаммен және шатырда тұратын «аспашаммен» толықты. Одан бөлек, шеберлер жалпақ дөңгелек аркасы мен әдетте жүк көлігінде болатын ірі айналар орнатқан.
Жаңа жобаға қатысты толық ақпарат 2026 жылы шығады, бірақ сырттай аспа лифтісі бары байқалады, әйтпесе бүртабан шинамен қапталған OZ Racing дискісі қуысқа сыймас еді. Капот асты мен салон көп өзгермейтін сияқты, ателье тек сыртын әрлеумен шектеледі.
Комментариев: 0