Lamborghini дизайнері Xiaomi-ге ауысты

Lamborghini-дің жоғары лауазымды дизайнерлерінің бірі жұмыс орнын ауыстырды. Қытайдағы баспасөздің мәліметінше италиялық бренд модельдерінің экстерьеріне жауапты бас стилист Фабиан Шмёльц Xiaomi Auto компаниясының Еуропадағы бөлімшесінде қызмет атқарады. Шмёльцтің соңғы жұмыстарының бірі — Lamborghini Temerario.

Фабиан Шмёльц бұған дейін Porsche-де еңбек еткен, онда ол 718 Boxster родстерінің экстерьерін, Vision GT мен Mission E концептілерін жасады. Соңғысы сериялық Taycan электромобиліне айналды.

1 / 6

• 
• 
• 
• 
• 
• 

Porsche Mission E

Porsche Vision GT

1 / 6

Бейресми дерекке сәйкес Xiaomi Еуропадағы автоконцерндерде жұмыс істейтін мамандарды өзіне тартып жатыр. Мысалы, бұған дейін BMW-да он бес жыл істеген инженер Рудольф Диттрих және Rolls-Royce-та менеджер болған Душан Саракпен келісімшартқа қол қойды. Xiaomi Мюнхенде кеңсе ашады деген болжам бар. Компания сатушыларды ғана емес, инженерлер мен дизайнерлерді де жинап жатыр. Олар Xiaomi-дің жобаларын ЕО клиенттерінің талғамына қарай бейімдейді.

Бұған дейін марка SU7 седаны мен YU7 кроссоверінің сырт келбеті Porsche Taycan мен Ferrari Puroisangue секілді модельдерге ұқсас деген сынға қалған еді. Xiaomi Auto-ның шеф-стилисі Тяньюань Ли дизайнның басты мақсаты — сатып алушы мен автомобиль арасында эмоциялық байланыс орнату деп жауап берді. Осылайша фирма электромобиль экстерьеріндегі ұқсастықтарды қабылдауға дайын сияқты.

Xiaomi Еуропаға ресми түрде 2027 жылы шықпақшы. Сауда бастауға дайындық қазірдің өзінде жүріп жатыр, бірақ оған дейін Xiaomi ішкі нарықтағы электромобиль тапшылығымен күресуді көздеп отыр.