АВТОВАЗ-дың баспасөз қызметі төрт жүз мыңыншы Lada Vesta-ның шыққаны туралы хабарлады. Жаңа «дайвинг» түсіне боялған Exclusive жиынтығындағы 113 ат күшіне 1.6 литрлік моторы бар седан мерейтойлық автокөлік атанды.. Сериялық өндірісі 2015 жылы басталған «Вестаның» 400 мың данасын өндіру үшін зауытқа 4 жыл қажет болған.
Мерейтойлық санға Қазақстанда құрастырылған көліктер де кіреді. Олар жалпы көрсеткішке айтарлықтай ықпал етті деп айту қиын, дегенмен қосқан үлесі де жоқ емес. Нарықта жаңа үлгі пайда болған сәттен бері біздің елде тоғыз мың «Веста» сатылды, оның үш мыңнан көбі 2019 жылы өз иесін тапқан.
Қазақстандағы автосалондарда Lada Vesta 4.3 млн теңгеден 6.1 млн теңгеге дейінгі аралықта бағаланады. Сатылымға шыққан сәттен бері 106 аттың күшіне ие қозғалтқышы мен 5 сатылы механикасы бар Lada Vesta 3.7 млн теңгеден 4.3 млн теңгеге дейін, яғни 17.1 %-ға қымбаттады.
Қазақстанда Lada Vesta-ны қолдан алуға да болады. Үлгі Granta не Priora-мен салыстырғанда үлкен сұранысқа ие емес, бірақ қазіргі уақытта kolesa.kz сайтында «Вестаны» сату жөнінде екі жүзге жуық хабарландыру бар. 2017 жылғы автокөліктің бағасы 3.7 млн теңгені құрайды.
Комментариев: 0