Lada Йемен нарығына шықты

Көп жылға созылған азаматтық соғыс және хуситтердің теңіз таситындарға шабуыл жасауына байланысты күшіне енген шетелдік санкциялар салдарынан Йеменнің әлеуметтік-экономикалық жағдайы тіпті қиындап кетті. Соған қарамастан жаңа автомобиль нарығы құрдымға кеткен жоқ, шетелден жаңа өнімдер әлі кіріп жатыр.

Жақында елде «Лада» өнімдері саудаға шықты. «Автопоток» хабарлағандай, ресейлік марка жергілікті Al-Qaili Auto Trading Company-мен бірлесіп, Сана қаласында Lada Yemen шоурумын ашты, модельдерді көршілес БАӘ-ден жеткізеді. Дилер әлеуметтік желіде парақша ашып, классикалық «Ниваны» таныстыратын жарнама ролик көрсетіп жатыр. Компания машинаға 3 жыл немесе 100 000 шақырымға кепілдік береді.

1 / 5

• 
• 
• 
• 
• 

1 / 5

BestsellingcarsBlog дерегіне сүйенсек, 2024 жылы Йеменде 9 мың автомобиль өткен. Көбі — Toyota мен Lexus-тың жол талғамайтын көліктері мен пикаптары. Биылғы көрсеткіш бұдан жоғары: 9 айда 8.3 мың машина иесін тауыпты. Яғни, сауда 28.1 % өсті.

Йеменде «Лада» өнімдері қанша тұратыны белгісіз. Әмірлікте Lada Granta (седан) — 53 мың дирхам (7.44 млн теңге), Lada Niva Legend 64 мың дирхамнан (9 млн теңге) саудаланып жатыр.