Lada-ға Iran Khodro моторы қойыла ма?

Мәскеудегі MIMS 2022 автосалонына Tara седанын әкелген Iran Khodro компаниясы Ресейге өз көліктерін жеткізумен қатар, ресейлік машиналарды автобөлшекпен қамтамасыз етуге ниетті. Iran Khodro-ның агрегат бөлімінің басшысы Афшин Азизхани компания АВТОВАЗ-ға бензинді моторларын беруге дайын екенін айтты. Соның бірі 163 ат күші мен 240 Нм беретін 1.6 литрлік турбомотор, ол механикамен де, қытайлық 6 сатылы автоматпен де жұптаса алады.

Autonews.ru хабарлағандай, бұл турбомотор 1980 жылдардың ортасында PSA концерні жасап, бірнеше Peugeot және Citroen моделіне қойған франциялық 16 клапанды атмосфералы TU5-тің түрленімі.

Бірақ иран-француз моторын «ладаның» капот астынан көрмейтін шығармыз, өйткені АВТОВАЗ инженерлері қазір импорт өнімді толықтай алмастыра алатын 2 литрлік жаңа қозғалтқыш жасап жатыр.