Lada Azimut күзде саудаға шығады

Қорытынды баспасөз конференциясында АВТОВАЗ басшысы Lada Azimut биыл IV тоқсанда сата бастайтынын хабарлады. Максим Соколов машинаның бағасын айтпады.

Инсайдерлердің мәліметінше жаңа өнімнің құны 2.6–2.8 млн рубль (16.9–18.2 млн теңге) болады. Ресейде мұндай класта толық жетекті Haval Jolion мен Geely Coolray бар, ал Azimut тек алдыңғы жетекті.

Марка былтыр тамызда Lada Azimut-тың концептісін көрсетсе, енді серияға шығатын экземплярды ұсынды. Автомобиль қуаты 120 және 132 ат күшіне тең 1.6 және 1.8 литрлік екі 16 клапанды төрт цилиндрлі қозғалтқыш алады. Біріншісі механикамен, екіншісі вариатормен жұптаса жұмыс істейді.

1 / 5

• 
• 
• 
• 
• 

1 / 5

Концерн «Азимутқа» Ресей өнімдерінде сирек кездесетін немесе мүлде болмаған жабдықтар орнатады. Олар: сымсыз қуаттағыш, панорамалы люк, бүйірлік әйнекті жылытқыш, екі аймақты климат-бақылау, айнала шолу камерасы және жүріс режимін таңдау жүйесі.

Lada Azimut сертификат алу үшін көктемге дейін сынақтан өтеді. Өндіріс III тоқсанда басталады.