Депутаттар электросамокатқа қатысты норманы қатаңдату мақсатында заңға өзгеріс енгізуге дайындалып жатыр. Атап айтқанда, бұл көлік құралымен тротуарда жүруге тыйым салынуы мүмкін. Биыл 1 шілдеден бастап полиция кикшеринг компанияларынан оған нөмір тағуды талап етеді. Жол ережесін елемейтін самокатшылар жолдағы камераның назарына ілігеді. Астана қаласы ПД Әкімшілік полиция басқармасы бастығының орынбасары Махамбет Төлешов бүгін брифингте жаңа функция бейнебақылау жүйесіне биыл жазда қосылатынын айтты.
Sergek Group Kolesa.kz редакциясына хабарлағандай, қазір камераны техниканың нөмірін тануға және оны тізгіндеген адамның ереже бұзғанын анықтауға бейімдеу үшін сынақ жүріп жатыр. 1 шілдеге дейін жүйе толық іске қосылады.
Бейнебақылау камерасымен жұмыс істейтін өзге компаниялардан ақпарат түскен жоқ.
Комментариев: 0