АҚШ-та сол рөлді Toyota 2000GT аукционға қойылды. Түрлі дереккөз мұндай машинаның 62-109 данасы бар екенін жазады. 1967 жылдан 1970 жылға дейін шыққан екі есікті спорттық көліктің жалпы таралымы 351 дана ғана болды.
Машина 1967 жылы шыққан. Екі жылдан кейін купе Швейцарияға жеткізіліп, Женевадағы Grand Garage des Nations автосалонында бірнеше жыл алғашқы иесін күтеді. Иесі шанақтың қызыл түсіне көңілі толмай 2000GT-ді көк түске бояпты. Машинаны 1980 жылдардың басында Toyota-ның ресми дилері қайта сатып алып, жарнама ретінде пайдаланады. Көлік 30 жыл Швейцарияда коллекцияда тұрып, 2015 АҚШ-қа барды.
Купенің одометрі 2000 шақырым көрсетіп тұр, бірақ бұл нақты көрсеткіш пе белгісіз. 2000GT 55 жылда екі рет қалпына келтірілген. Алғашқысы 1993 жылы, ол кезде машина қайтадан қызыл түске боялды, ал екінші рет 2014 жылы жөндеуден өтті.
Соңғы рет жөндегенде мамандар коррозияны жойып, барлық резеңке нығыздауышты ауыстырды, 15 дюймдік дөңгелек дискісін қалпына келтірді, тежеу жүйесі мен аспасын жөндеп, интерьердегі кемшіліктерді түзеді.
Спорттық купе Yamaha-мен бірлесіп әзірленген 2 литрлік алты цилиндрлі мотормен жүреді. Агрегат 150 ат күшін береді. Айналу моменті 5 сатылы механика арқылы артқы дөңгелектерге беріледі.
Toyota 2000GT бәс саудасы маусымның ортасында 10 000 доллардан басталды. Баға тым тез өсіп, соңында 1.15 млн долларға жетті. Осылайша ол осы түрдегі ең қымбат машинаның бірі атанды. Бірақ 2022 жылы наурызда 2.5 млн долларға өткен Shelby түрлендірген Toyota-дан әлдеқайда арзан.
Комментариев: 0