Кезінде Mazda 626 Қазақстанда өте танымал көлік болды, әсіресе GD индексті төртінші буындағы модельді алушылар көп еді. Қазір олар ірі қалаларда көп кездеспегенімен, әлі сатылымда бар.
Kolesa.kz сайтында сатылып жатқан 1.3 мың Mazda 626-ның жеті жүзден астамы GD индексімен. Олардың кейбірі өте жақсы сақталған. Мәселен 1990 жылғы мына хэтчбек 2.3 миллион теңге тұрады. Аналитика дерегіне сүйенсек, бұл ұқсас машиналардың орташа бағасынан шамамен 200 % жоғары.
Иесінің айтуынша, «626» — автомобиль емес, нағыз уақыт капсуласы. Ол машинаның барлық әйнегі, бояуы өзінікі екенін, нақты 189 мың шақырым жол жүргенін айтады. Хэтчбектің ұзақ уақыт қолданыста болғанына қарамастан, иесі жағдайы өте жақсы екеніне сенімді.
Хабарландыру авторы ұзақ уақыт құрғақ гаражда тұрған көліктің қозғалтқышы, жүріс бөлігі, беріліс қорабы, жанармай беру және оталдыру жүйесі толық тексерістен өтіп, барлық техникалық сұйықтық ауыстырылғанын жазыпты. Сонымен қатар көлікке жаңа диск орнатылған.
Mazda 626 90 ат күшіне ие 2 литрлік бензинді мотормен жұмыс істейді. 153 Нм момент алдыңғы дөңгелектерге 5 сатылы механика арқылы беріледі.
Комментариев: 0