Kolesa.kz-те Toyota Land Cruiser 105 жол талғамайтын көлігін сату туралы хабарландыру жарияланды. Ең алдымен машина сырт кейпімен және жүрген жолымен көз тартады. 2003 жылдан бері ол небәрі 69 мың шақырымды еңсерген.
Көлік иесі оның сирек жолға шыққанын және тек қала ішінде жүйткігенін жазады. Суретіне қарасақ, Land Cruiser расымен де жаңа сияқты көрінеді.
Капот астына 4.5 литрлік алты цилиндрлі бензинді мотор орнатылған. Механикалық қораппен жұмыс істейтін агрегат 245 ат күші мен 410 Нм айналу моментін береді. Көлік иесі 2020 жылы жазда TLC 105-ке газ баллон орнатылғанын атап өтті. Яғни ол бензинмен ғана емес, газбен де жүреді.
Темір тұлпардың бағасы — 15.5 млн теңге. Аналитика дерегіне сүйенсек, ол Kolesa.kz-тегі 2003 жылғы басқа көліктерден 108 % қымбат. Біздің елде бұл ақшаға жаңа Chevrolet Trailblazer (15 млн) алуға болады.
Комментариев: 0