Kolesa.kz-те көлік тарихын көруге болады

Елімізде көлік тарихы туралы әртүрлі ақпарат беретін бөлек сервистер бар. Енді барлығы бір жерге жиналды: Kolesa.kz-тің жаңа «Көлік тарихы» сервисі сатылатын автомобиль туралы барлық маңызды мәліметті топтап, хабарландыру бетінде ыңғайлы форматта көрсетеді.

«Көлік тарихы» есебі мынадай ақпарат береді:

• Иелерінің саны және түрлері, иелік ету кезеңдері, тіркелген аймақтар.
• Заң тұрғысынан тазалығы: ортақ иелері мен ауыртпалықтар.
• Жол-көлік оқиғасы.
• Айыппұл бар-жоғы.
• Техбайқау.
• Утиль алымы.
• Халықаралық базадағы VIN-код бойынша мәлімет.

1 / 2

• 
• 

1 / 2

Kolesa.kz аналитикасы орташа баға динамикасы, алдағы үш айға арналған болжам, бұрын сатушы бұл көлік туралы хабарландыру берген-бермегені туралы ақпарат береді.

Жаңа сервис иелерінің саны, автомобильдің жағдайы мен заң тұрғысынан тазалығы туралы ақпаратты сұрап-білуге уақыт жоғалтқысы келмейтіндерге арналған. Сатушылар көлік тарихы туралы мәлімет беру арқылы клиенттің сенімін арттырып, іздеу кезінде арнайы белгімен назарын аударады.

Сатушыларға

Сатып алушы көлігіңіз туралы есепті алу үшін хабарландыру беретін кезде VIN-код, мемлекеттік нөмір және куәлік нөмірі сияқты құжаттағы деректерді енгізу қажет. Құжатты қосымшаның ішінде камера арқылы сканерлеуге немесе ақпаратты қолмен енгізуге болады.

Көлік туралы барлық дерек Ішкі істер министрлігі, Бас прокуратура, Көлік министрлігі, Мемлекеттік кредиттік бюро және «Жасыл даму» АҚ базаларынан алынады.

Сатып алушыларға

Хабарландыру берген кезде иесі техпаспорттағы деректерді жүктесе ғана көлік тарихы туралы есепті алуға болады. Мұндай хабарландыруды «Көлік тарихы» белгісінен танисыз.

Хабарландыру ішінде «Көлік тарихын тексеру» батырмасын басқанда есепті сатып алу беті ашылады. Қызмет құны — 990 теңге. Есептер жеке кабинеттегі арнайы бөлімде сақталады.

Қазір «Көлік тарихы» сервисі тек iOS және Android-қа арналған Kolesa.kz мобильді қосымшасында қолжетімді. Қосымшаны сілтеме арқылы жүктеп алуға болады.