Kolesa.kz-те ескі Renault Espace сатылады

Kolesa.kz-те өте ерекше отбасылық автомобиль саудаға шықты. Ол — француз брендінің алғашқы минивэні саналатын Renault Espace. Біз сөз етіп отырған экземпляр 1988 жылы конвейерден түскен, содан бері 184 000 шақырым жол жүріпті. Фотосуреттен автомобиль жақсы сақталғанымен, біршама өзгеріске ұшырағанын байқауға болады, мысалы, салондағы алдыңғы панельде, есік картында және торпедода түпнұсқа емес шешімдер көзге түседі.

1 / 11

• 
• 
• 
• 
• 
• 
• 
• 
• 
• 
• 

1 / 11

Бірінші буындағы Espace 2 және 2.2 литрлік бензинді агрегатпен немесе 2.1 литрлік турбодизельмен жүреді. Сатылып жатқан минивэн екінші нұсқаға жатады. Оның 90 ат күшіне ие қозғалтқышы 5 сатылы механикамен жұмыс істейді. Машина алдыңғы жетекті.

Сатушы машинаның беріліс қорабы мен моторында мін жоқ екенін әрі ешқашан жол апатына түспегенін жазыпты, сондай-ақ шанағын тот баспаған, өйткені ол шыныпластиктен жасалған. Espace гаражда тұрған, 1997 жылдан бері егде жастағы адам иелік етеді. Сатушы машинаны 4 млн теңгеге бағалап отыр.

1 / 11

• 
• 
• 
• 
• 
• 
• 
• 
• 
• 
• 

1 / 11

Анықтама: бірінші буындағы Renault Espace 1984 жылы жарық көргенімен, тарихы әлдеқайда ертеде жатыр. Модель концептісін 1970-жылдары Chrysler-дің Еуропадағы бөлімшесі жасаған, ол Simca брендімен шығуы керек еді.

Бірақ Chrysler Еуропада сәтсіздікке ұшырап, компания активін, соның ішінде Simca және Matra брендін PSA альянсына сатқандықтан, бұл жоспар аяқсыз қалды. Жаңа қожайын жобаны тым қымбат деп санап, оны Matra-мен бірге бұрынғы иелерінің біріне берді. Ал олар прототипті сәл өзгертіп, Matra P23 деген атаумен Renault-ға ұсынды. Espace-тің қазір алтыншы буыны сатылып жатыр, машина қазір SUV стилінде шығады. Модель бесінші буынға дейін (2022 жыл) дәстүрлі шанақпен жарық көрді.