Мұны «Российская газета» басылымы «Нетипичный АВТОВАЗ-дың» дереккөзіне сілтеме жасап хабарлады. Шара әзірше тек ішкі нарықты қамтиды екен.
Жаңа прайс бойынша ауа баптағышы бар Lada Granta 20 мың рубль (~ 119 000 теңге) қымбаттап, седан 755 900 (~ 4.5 млн теңге), хетчбэк 839 500 рубльден (~ 5.5 млн теңге) саудаланады. Ауа баптағыш орнатқан Granta Drive Active құнына 23 мың қосылып, 930 900 рубльге (~ 5.5 млн теңге) сатылады. Үш есікті Lada Niva Legend қазір 800 900 рубль тұрады, ал көктем келісімен бұл модельді алу үшін 930 900 рубль (~ 5.5 млн теңге) санап беруге тура келеді. Lada Niva Travel құнына 16 мың қосылып, 1 014 900 рубльге (~ 6 млн теңге) бағаланады. Ал Granta бағасы бірден 40 мыңға өседі.
Былтыр желтоқсанда Қазақстанда «лада» Ресейдегіден әлдеқайда қымбат саудаланған. Мысалы, салондар «Нива» үшін 7 млн теңге сұраса, Niva Travel-ді 8.1-10 млн теңгеге бағалады.
Тольяттидегі зауыт қайта шығара бастаған Lada Vesta FL де былтырғыдан қымбат сатылатыны анық. Алдымен 5 сатылы механикамен жұмыс істейтін 90 ат күшіне ие моторы бар қарапайым автомобиль жолға шығады. Көп ұзамай зауыт 106 ат күшін беретін 1.6 литрлік 16 клапанды қозғалтқыш өндіре бастайды. Концерн оны «Грантаға» да, «Вестаға» да қоюды жоспарлап отыр.
Комментариев: 0